一個多謝嘅短訊

今日，收到個短訊，原來係上個月嘅一個新娘子嚟，上個月我幫佢個姊妹團化妝，今日佢send短訊嚟唔該我!!!

"I was the bride of dec 16.  Thank you for your work.  My bridesmaids were all happy and brautiful."

一個簡單嘅短訊，我已經好開心，好少人會有呢一份心思，好多謝佢！

今年第一個新娘

前日收到個好突然嘅電話，係我掛單接新娘化妝果間公司打嚟，問我明天可唔可以接個新娘，吓，唔係嘛！本來唔想去架，咁急，但原來帶我入行嘅恩師入咗醫院呀！想搵我頂上。我二話不說，即刻請假，恩師要幫手，我一定幫呀！

我好膽心，最膽心係恩師，佢已經唔係第一次喇！第二，個新娘未見過，都有啲膽心呀！不過無所謂喇！只要做到最好就得喇！希望幫到手喇！咁樣就接咗今年第一個新娘。

今年第一個新娘，好特別，首先係突如其來喇！第二，第一次咁早出門，係6:30出門，我4:00就到佢酒店喇！

化完晒天都未光呀！酒店嘅光又暗得可憐，好彩化出嚟嘅效果都OK喎！係無試妝嘅情況下，新娘子似乎都幾滿意咁喎！或者係佢好人，易話為喇！

本來只係化一早，同一晚，點知中間有小插曲喎！本來新娘子準備好個頭冠去註冊帶，點知中途個冠斷咗，新娘子即刻CALL我，想要真花，但佢哋唔係好識戴上頭，於是中途我又要趕去幫一幫佢戴頭花同順便補一補妝喇！

到夜晚，再出去轉妝頭！好開心佢好鐘意呢個頭！祝佢哋新婚愉快，白頭到老呀！

新娘子妝前